Stofnun stjórnsýslufræða og stjórnmála

OPINN FYRIRLESTUR . HAUKS ARNÞÓRSSONAR UM NETLÝÐRÆÐI: STJÓRNMÁLAÞÁTTTAKA VIÐ ELDHÚSBORÐIÐ- ER ÞAÐ FRAMTÍÐIN?  9. MAÍ KL. 12-13 Í LÖGBERGI 101

Fundarstjóri er dr. Þorbjörn Broddason, prófessor.

Meiri upplýsingar

___________________________________________________________________

Ný skýrsla útgefin af fjármálaráðuneytinu og Stofnun stjórnsýslufræða 25. apr. 2012  

NIÐURSTAÐA KÖNNUNAR Á VIÐHORFUM FORSTÖÐUMANNA RÍKISSTOFNANA 2011.

SKÝRSLAN Á PDF FORMI HÉR 

Viðauki 1 spurningalisti HÉR   Viðauki 2 töflur HÉR

Samantekt á niðurstöðum HÉR

_________________________________________________________________

Ólafur Þ. Harðarson, forseti Félagsvísindasviðs Háskóla Íslands kjörinn í stjórn Evrópusamtaka stjórnmálafræðinga.

Ólafur Þ. Harðarson, forseti Félagsvísindasviðs, hefur verið kjörinn í framkvæmdastjórn  (executive committe) Evrópusamtaka stjórnmálafræðinga, European Consortium for Political Research (ECPR) til næstu sex ára. Ólafur varð þriðji í röð 14 frambjóðenda, en að þessu sinni voru átta kosnir í framkvæmdastjórnina.  Meira ____________________________________________________________________

MORGUNVERÐARFUNDUR 25. APRÍL kl. 8-10:15 á Grand Hótel Reykjavík á vegum fjármálaráðuneytisins, Félags forstöðumanna ríkisstofnana og Stofnunar stjórnsýslufræða og stjórnmála.

STAÐA OG STARFSKILYRÐI FORSTÖÐUMANNA RÍKISSTOFNANA-Niðurstöður könnunar og tillögur starfshóps um umbætur í starfsumhverfi forstöðumanna. 

Meðal fyrirlesara eru Oddný Harðardóttir fjármálaráðherra, Ómar H Kristmundsson prófessor HÍ, Ágústa H. Gústafsdóttir, sérfræðingur í fjármálaráðuneytinu og Margrét Friðriksdóttir, skólameistari MK. Í pallborði: Margrét Friðriksdóttir, Gunnar Björnsson, skrifstofustjóri í fjármálaráðuneytinu og Sigurbjörg Sigurgeirdóttir lektor HÍ. Fundarstjóri er Magnús Guðmundsson, forstjóri Landmælinga Íslands og formaður Félags forstöðumanna.

GLÆRUR AF FUNDINUM 

____________________________________________________________________

HVAÐ MÁ BETUR FARA Á VEF STOFNUNARINNAR? Námskeið  fyrir vefstjóra og umsjónarmenn opinberra vefja á vegum innanríkisráðuneytisins og Stofnunar stjórnsýslufræða og stjórnmála. Námskeiðið er haldið tvisvar í vor, 2.-3 maí og 23.-24. maí kl. 9-12. Sérstaklega er boðað til námskeiðsins, en frekari upplýsingar eru HÉR.  Einnig má hafa samband við Ástu Möller astam@hi.is um nánari upplýsingar.

_________________________________________________________________

LEIÐSÖGN UM LÝÐRÆÐI Í SVEITARFÉLÖGUM- NÝTT RIT gefið út af Sambandi íslenskra sveitarfélaga og Stofnun stjórnsýslufræða og stjórnmála við Háskóla Íslands. Ritið er gefið út á rafrænu formi HÉR

Meðal umfjöllunarefna er: Lýðræði og þátttaka í sveitarfélögum; Sveitarstjórnarstigið og rétturinn til áhrifa; Meirihlutinn og hagsmunir minnihluta; Lýðræði, upplýsingar og rökræða; Þátttaka og þátttökuform; Félagsauður, félagsvirkniog sjálfboðastarf.

Höfundar efnis eru: Gunnar Helgi Kristinsson, Anna Guðrún Björnsdóttir, Grétar Þór Eysteinsson, Unnur Dís Skaptadóttir, Óskar Dýrmundur Ólafsson, Ólafur Þ Harðarson, Sigurlaug Anna Jóhannsdóttir, Guðmundur Heiðar Frímannsson, Birgir Guðmundsson, Jón Hákon Magnússon, Helga Hafliðadóttir, Eggert Ólafsson, Guðfinna Kristjánsdóttir, Ólafía Dögg Ásgeirsdóttir, Ásdís Hlökk Theodórsdóttir, Steinunn Hrafnsdóttir, Margrét s. Björnsdóttir og Sjöfn Vilhelmsdóttir.

______________________________________________________________________________________________________________________ PRENTUÐ ÚTGÁFA TÍMARITSINS STJÓRNMÁL OG STJÓRNSÝSLA 2011 ÁRGANGUR ER KOMIN ÚT.
 

Tímaritið Stjórnmál og Stjórnsýsla 7. árgangur 2011, prentuð útgáfa með fræðigreinum sem birtust í veftímariti stofnunarinnar 2011, er komið út. Tímaritið er í tveimur heftum vor og haust, alls rúmar 500 síður og birtast 27 ritrýndar greinar um fjölbreytileg efni á sviði stjórnmála og stjórnsýslu.
 
Áskriftarverð er kr 4100.-  Hægt er að gerast áskrifandi að prentaðri útgáfu tímaritsins. GERAST ÁSKRIFANDI  

NÁNARI UPPLÝSINGAR um greinar og höfunda.

________________________________________________________________

Opnun á nýju vefsetri.  www.nyskopunarvefur.is

Nýr vefur www.nyskopunarvefur.is var opnaður 3. nóvember  síðastliðinn á ráðstefnu um NÝSKÖPUN Í OPINBERUM REKSTRI  -NÝJAR LAUSNIR VIÐ NÝJUM ÁSKORUNUM     Vefurinn er samstarfsverkefni Stofnunar stjórnsýslufræða, fjármálaráðuneytisins, Félags forstöðumanna ríkisstofnana, Nýsköpunarmiðstöðvar Íslands og Rannís. 

Síðan er  tileinkuð nýsköpun í opinberum rekstri og stjórnun. Á vefnum verður vakin athygli á nýsköpun sem fer fram í opinberri starfsemi á Íslandi. Jafnframt veitir vefurinn aðgang að árangursríkum ferlum til að innleiða nýsköpunarhugsun í opinberum rekstri og umfjöllun um íslensk og erlend nýsköpunarverkefni.

Á ráðstefnunni voru jafnframt afhent nýsköpunarverðlaun í opinberum rekstri. Sjá nánar á www.nyskopunarvefur.is

_______________________________________________________________

Samstarfssamningur milli tveggja stofnana HÍ og  Landssambands eldri borgara  er lýtur að nýsköpun í þjónustu við eldri borgara.

 Þann 31. janúar  s.l. var undirrituð samstarfsyfirlýsing  milli Landssambands eldri borgara og Rannsóknarstofnunar í barna-og fjölskylduvernd og Stofnunar stjórnsýslufræða og stjórnmála við Háskóla Íslands sem felur í sér  að þessir aðilar vinni saman að verkefnum sem lúta að nýsköpun í þjónustu við eldri borgara.Markmið samkomulagsins er að skapa vettvang fyrir nýsköpun, umræðu, upplýsingaöflun og miðlun upplýsinga, rannsóknir og þróunarstarf í málefnum eldri borgara.  Unnið verður sameiginlega að þessu með námskeiðahaldi, ráðstefnum og málþingum, einnig með söfnun upplýsinga og miðlun til eldri borgara um þjónustu, tilboð og niðurstöður rannsókna þeirra stofnana sem eiga aðild að samkomulaginu.  Einnig verður unnið að rannsóknum og könnunum á stöðu og þjónustu við eldri borgara í samvinnu við opinbera aðila og aðra.  Þá  viljum við auðvelda aðgengi eldri borgara að námskeiðum á vegum H.Í.   Samstarfsyfirlýsingin gildir til næstu 3ja ára eða til 31. jan. 2014, og sameiginleg verkefnisstjórn verður yfir þessu samstarfi skipuð frá LEB og H.Í. Samstarfið verður að loknum þessum þremur árum endurnýjað með tilliti til þess árangurs sem samstarf aðila hefur skilað. _________________________________________________________________________

Nýtt tölublað vefritsins Stjórnmál og stjórnsýsla 2. tbl. 6. árgangs 2010 KEMUR ÚT Í DAG:

http://www.stjornmalogstjornsysla.is/

Í ritinu eru 11 greinar, þar af sex ritrýndar greinar og fimm greinar almenns eðlis. Þær eru aðgengilegar á vef tímaritsins.

Í fræðilegum greinum er fjallað um meðlimaskipulag íslenskra stjórnmálaflokka eftir Gunnar Helga Kristinsson prófessor.  Einnig eru greinar um forsendur lagasetninga á verkföll á Íslandi 1985-2010; öryggisstefnur Norðurlandanna og áhrif þeirra á Ísland; íslenska vinnustaðamenningu; samanburð ákvarðanatöku einkafyrirtækja og opinberra stofnana og að lokum lýðræði í Evrópusambandinu.

Fræðigreinarnar eru eftir vísindamenn við Háskóla Íslands og Háskólann á Akureyri, en  almennar greinar eru eftir kennara við HÍ og HA, auk aðila úr stjórnsýslunni og íslenskum stjórnmálum.

Í almennu efni fjallar m.a. Sturla Böðvarsson fv. forseti Alþingis um breytingar á þingskaparlögum og eftirlitshlutverk Alþingis og Birgir Guðmundsson dósent HA um rannsókn á kynningarmálum frambjóðenda  fyrir stjórnlagaþingskosningar 2010.   Einnig eru greinar um mótun atvinnustefnu, starfsumhverfi hins opinbera með hliðsjón af hlutverki stjórnenda og viðhorfi starfsmanna og um starfsréttindi MPA náms.  

Efni og höfundar

Að venju birtast bókadómar um nýjar bækur sem varða stjórnmál, stjórnsýslu og þjóðfélagsumræðu.  Þeir eru 14 talsins, m.a. um Ævisögu Gunnars Thoroddsens, sem Ólafur Þ. Harðarson skrifar;  bækur  Árna Mathiesen, Björgvins G Sigurðsonar og Guðrúnar Ögmundsdóttur og fleiri bækur.

Prentuð útgáfa af ritrýndum greinum sem birtast í tveimur heftum veftímaritsins 2010 kemur út síðvetrar 2011.  Hægt er að gerast áskrifandi að prentuðu útgáfu á tímaritinu og kostar það kr. 3800,-.   Gerast áskrifandi     _________________________________________________________________

  Diplóma í opinberri stjórnsýslu fyrir stjórnendur í heilbrigðisþjónustu -  NÝ NÁMSLEIÐ NÁMSÁRIÐ 2010-2011 Umsóknarfrestur fyrir vorönn 2011 er til 30. nóvember 2010. U

ULÝSINGAR UM NÁMIР        UPPLÝSINGAR ÚR KENNSLUSKRÁ

 SKRÁNING                          BÆKLINGUR UM NÁMIÐ ____________________________________________________________________ SAMSTARFSSAMNINGUR UM DIPLÓMA Í OPINBERRI STJÓRNSÝSLU FYRIR STJÓRNENDUR Í HEILBRIGÐISÞJÓNUSTU UNDIRRITAÐUR

 BÆKLINGUR UM NÁMIÐ í pdf

Samstarfssamningur um nýja námsleið fyrir stjórnendur í heilbrigðisþjónustu  háskólaárið 2010-2011 var undirritaður 21. maí s.l. milli Stjórnmálafræðideildar og samstarfsaðila um námið. Námið er hluti af meistaranámsframboði deildarinnar.  

Námsleiðin er sérstaklega skipulögð með þarfir núverandi og verðandi stjórnenda í heilbrigðisþjónustu í huga sem vilja efla stjórnunarþekkingu sína og öðlast dýpri skilning á starfsumhverfi heilbrigðisstofnana sem hluti af opinberum rekstri.  

Nýmæli er að fjórar deildir Háskóla Íslands geri með sér formlegt samkomulag um að standa saman að  námsleið, þar sem nemendur geta valið úr framboði á námskeiðum viðkomandi deilda á sviði opinberrar stjórnsýslu, stjórnunar og rekstrar, heilsuhagfræði og lýðheilsu.  Samkomulagið var undirritað þann 21. maí s.l.

Samstarfsaðilar Stjórnmálafræðideildar innan HÍ eru Viðskiptafræðideild, Hagfræðideild og Heilbrigðisvísindasvið , en samstarfsaðilar í heilbrigðisþjónustu  eru heilbrigðisráðuneytið, Landspítali háskólasjúkrahús, Heilsugæslan á höfuðborgarsvæðinu, Landssamband sjúkrahúsa, Félag forstöðumanna sjúkrahúsa og Samtök fyrirtækja í heilbrigðisþjónustu. 

Frekari upplýsingar

Upplýsingar úr kennsluskrá

Skráning

Myndin er frá undirritun samstarfssamningsins 21. maí s.l. í háskólaráðsherberginu í aðalbyggingu HÍ. Á myndinni eru frá vinstri Kristín Ingólfsdóttir háskólarektor, Björn Zoëga forstjóri Landspítala háskólasjúkrahúss, Þorgerður Einarsdóttir deildarforseti Stjórnmálafræðideildar, Þórólfur Matthíasson deildarforseti Hagfræðideildar, Sveinn Magnússon skrifstofustjóri heilbrigðisráðuneytisins, Ásta Möller forstöðumaður stofnunar stjórnsýslufræða Ingjaldur Hannibalsson, deildarforseti Viðskiptafræðideildar, Gísli Páll Pálsson, formaður Samtaka fyrirtækja í heilbrigðisþjónustu, Svanhvít Jakobsdóttir, forstjóri Heilsugæslunnar á  höfuðborgarsvæðisinu, Árni Sverrisson, formaður Félags forstöðumanna sjúkrahúsa, Halldór Jónsson, formaður Landssambands sjúkrahúsa, Guðmundur Þorgeirsson, deildarforseti læknadeildar f.h.  Heilbrigðisvísindasviðs ____________________________________________________________________

 SAMSTARF UM EFLINGU NÝSKÖPUNAR Í OPINBERUM REKSTRI

Samstarfsamningur um eflingu nýsköpunar í opinberum rekstri var undirritaður þann 21. maí síðastliðinn í Háskóla  Íslands að viðstaddri Katrínu Júlíusdóttur, iðnaðarráðherra, auk nemenda og erlendra fyrirlesara á námskeiði um nýsköpun í opinberum rekstri.   Að samstarfinu standa Stofnun stjórnsýslufræða og stjórnmála við Háskóla Íslands, Nýsköpunarmiðstöð Íslands og Rannsóknarmiðstöð Íslands (RANNÍS).

Aðilar munu vinna að markmiði samningsins með ýmsu móti; með námskeiðahaldi og ráðstefnum, þróunarverkefnum, rannsóknum og umræðuvettvangi fræðimanna, sérfræðinga og þeirra sem daglega starfa við opinbera þjónustu. Jafnframt að vinna að söfnun upplýsinga um nýsköpunarverkefni á sviði opinberrar stjórnsýslu og gera þær aðgengilegar og leita samstarfs við erlenda aðila á þessu sviði.   Miklar umbreytingar eru framundan í opinberum rekstri, m.a. vegna niðurskurðar á fjármagni til þjónustu og verkefna á vegum ríkisins og endurskipulagningar í kjölfarið.  Því má segja að þörf fyrir skipulagða nýsköpun hafi aldrei verið meiri.   

Samstarfssamningurinn er til þriggja ára.  Undir samninginn skrifuðu Gunnar Helgi Kristinsson, prófessor og formaður stjórnar Stofnunar stjórnsýslufræða og stjórnmála, Halldór Jónsson forstöðumaður Rannsóknarmiðstöðvar Íslands og Þorsteinn I Sigfússon forstjóri Nýsköpunarmiðstöðvar Íslands.

 Á mynd frá hægri eru Hallgrímur Jónasson,  Þorsteinn Sigfússon, Katrín Júlíusdóttir, Gunnar Helgi Kristinsson og Ásta Möller.