Alþjóðasamvinna á krossgötum: Hvert stefnir Ísland?

Alþjóðamálastofnun Háskóla Íslands, Stofnun stjórnsýslufræða og stjórnmála, Félag stjórnmálafræðinga og Norðurlönd í fókus standa fyrir ráðstefnunni

Alþjóðasamvinna á krossgötum: Hvert stefnir Ísland?

miðvikudaginn 19. apríl 2017 kl. 9 - 18 í Norræna húsinu. 

Alþjóðakerfið einkennist af talsverðri óvissu um þessar mundir og ríki heims standa frammi fyrir stærri og erfiðari áskorunum en þau hafa þurft að glíma við lengi. Stór ríki hafa í auknum mæli hundsað alþjóðastofnanir og alþjóðasamninga sem hafa verið grundvöllurinn að regluverki alþjóðasamfélagsins. Í nýlegum forsetakosningum í Bandaríkjunum, og þar á undan þegar kosið var um úrsögn Breta úr Evrópusambandinu, höfum við séð í vaxandi mæli alið á sundrungu þar sem orðræðan hefur skapað gjá á milli ólíkra hópa. Á sama tíma og við sjáum valdamikil ríki sýna einangrunartilburði stöndum við frammi fyrir gríðarlegum áskorunum sem krefjast samvinnu ríkja og leiða af sér aðrar alþjóðlegar áskoranir, loftslagsbreytingar eru þar á meðal.

Á ráðstefnunni verður sérstaklega fjallað um nokkra málaflokka sem eiga það sameiginlegt að fela í sér hnattrænar áskoranir sem krefjast aukins alþjóðlegs samstarfs og velt upp spurningum tengdum breyttu valdajafnvægi í heiminum og stöðu lítilla ríkja í alþjóðakerfinu í dag. Hvaða áhrif hefur breytt valdajafnvægi á smáríki á norðurslóðum, möguleika þeirra til áhrifa í alþjóðakerfinu og samstarf ríkja innan alþjóðastofnana? Þurfa smáríki í dag að endurskoða hvernig þau tryggja öryggi sitt og móta stefnu í utanríkismálum? Flest ríki og samfélög á norðurslóðum eru friðsæl, byggja á öflugu velferðarkerfi og fjölmörgum tækifærum fyrir fólk til að búa sér gott líf. Þetta hefur ákveðið aðdráttarafl og fjöldi fólks kemur á svæðið, jafnt flóttafólk sem ferðamenn, og fólk í leit að atvinnutækifærum. Þrátt fyrir vaxandi áskoranir á heimsvísu hefur samstarf ríkja á norðurslóðum einkennst af góðum samskiptum. Norðurskautsráðið hefur verið einn helsti samstarfsvettvangurinn og Ísland tekur við formennsku þess árið 2019. Fyrir smáríki á borð við Ísland er þar um afar stórt verkefni að ræða og er undirbúningur þegar hafinn. Í því samhengi er mikilvægt að fræðasamfélagið ásamt stjórnsýslunni og hagsmunaaðilum leggist á eitt um að leysa það vel úr hendi.

Aðgangur er ókeypis og allir velkomnir meðan húsrúm leyfir en vinsamlegast skráið ykkur til þátttöku á vefsíðu Alþjóðamálastofnunar www.ams.hi.is

Dagskrá

 

 

Smellið á myndina til að sækja ítarlega dagskrá í pdf-formi.

 

 

09:00-09:30 Setning ráðstefnu og opnunarávörp

09:30-10:30 Málstofa: Fullveldi og sjálfstæði þjóða

10:30-11:00 Umræður

11:00-11:15 Kaffihlé

11:15-12:15 Málstofa: Lýðskrum, sundrung og viðhorf til umheimsins

12:15-12:45 Umræður

12:45-13:30 Hádegishlé og léttar veitingar í boði

13:30-14:45 Málstofa: Efst á baugi á Norðurlöndunum (þessi hluti fer fram á ensku)

14:45-15:00 Kaffihlé

15:00-15:40 Málstofa: Loftslagsbreytingar og samvinna á norðurslóðum

15:40-16:00 Umræður

16:00-17:00 Málstofa: Friður og öryggi                               

17:00-17:30 Umræður

17:30-17:40 Lokaorð

Móttaka að ráðstefnu lokinni 
Léttar veitingar í boði

Þú ert að nota: brimir.rhi.hi.is