Opinn fundur 26. apríl - Alræði í Evrópu: Þrjár rannsóknir

Fimmtudaginn 26. apríl kl. 17:00 mun dr. Hannes H. Gissurarson, prófessor í stjórnmálafræði, í samstarfi við Stofnun stjórnsýslufræða og stjórnmála, halda erindi um efni nýútkomins rits eftir sig, Totalitarianism in Europe: Three Case Studies. Fundurinn er í stofu HT101 (Ingjaldsstofu), Háskóla Íslands. 

Eftir hann, kl. 18:00–19:00, verður móttaka fyrir fundargesti á Litlu Torgi, við Hámu.

Rit Hannesar hefur að geyma þrjár rannsóknir hans. Hin fyrsta er á ævi og örlögum Elinors Lippers, en bók hennar, Ellefu ár í fangabúðum Stalíns, vakti mikla athygli á sínum tíma. Margt er þar þó látið ósagt. Önnur rannsóknin er á því, hvernig örlög tveggja Þjóðverja á Íslandi fyrir stríð fléttuðust saman: Henny Goldstein var flóttakona af Gyðingaættum, en Bruno Kress var styrkþegi Ahnenerbe, „rannsóknarstofnunar“ SS-sveitanna. Endurfundir þeirra 1958 urðu sögulegir. Þriðja rannsóknin er á málsvörn Halldórs K. Laxness fyrir stalínisma, en Hannes leitar skýringa á því, hvers vegna Laxness sagði Íslendingum ósatt um stjórnarfarið í kommúnistaríkjunum. Dr. Dalibor Rohac frá Slóvakíu mun bregðast við erindi Hannesar, en Bessí Jóhannsdóttir sagnfræðingur stjórnar fundinum. Rit Hannesar er liður í samstarfsverkefni RNH og ACRE um „Evrópu fórnarlambanna“.

18. apríl 2018 - 13:30
Þú ert að nota: brimir.rhi.hi.is