Opnunarhátíð Rannsóknaseturs um sveitarstjórnarmál á Laugarvatni 5. apríl

Opnunarhátíð Rannsóknaseturs um sveitarstjórnarmál á Laugarvatni 5. apríl - Niður úr fílabeinsturninum: Hvað geta rannsóknir gert fyrir íslensk sveitarfélög á 21. öldinni?

Föstudaginn 5. apríl næstkomandi milli kl 15:00 – 17:00 í húsnæði Háskóla Íslands á Laugarvatni.
 
Hátíðin hefst með opnunarávarpi Sigurðar Inga Jóhannssonar ráðherra samgöngu- og sveitarstjórnarmála. Gestafyrirlesarar eru Colin Copus emeritus prófessor við De Montfort háskóla í Leicester og Björg Ágústsdóttir bæjarstjóri Grundarfjarðarbæjar. Þau munu fjalla um hvers vegna það er mikilvægt að rannsóknir séu ekki stundaðar í einangruðum fílabeinsturnum og hvaða máli rannsóknir skipta fyrir eflingu sveitarstjórnarstigsins á 21. öldinni.
Að lokum mun rannsóknarstjóri setursins Eva Marín Hlynsdóttir, dósent við stjórnmálafræðideild HÍ, kynna fyrirhugaða starfsemi setursins stuttlega.
 
Fundarstjóri er Sjöfn Vilhelmsdóttir, forstöðumaður Stofnunar stjórnsýslufræða og stjórnmála.
 
Dagskrá hefst kl. 15:00 stundvíslega en boðið er upp á kaffi og te frá kl 14:30. Að lokinni formlegri dagskrá verða léttar veitingar í boði setursins. 
 
 
Vekjum athygli á að málstofan „Staða kjörinna fulltrúa í sveitarstjórnum og samspil við embættismenn“ verður haldin fyrr um daginn nánar tiltekið kl. 13 – 14.30. Nánari upplýsingar um málstofuna og skráningu má finna hér.
 
Nánari upplýsingar veitir Helga Kristín Sæbjörnsdóttir, verkefnastjóri, í síma 525 5314 eða tölvupósti hks@hi.is
Þú ert að nota: brimir.rhi.hi.is