Meðferð persónuupplýsinga í stjórnsýslunni – Nokkur álitaefni

Athugið að hámarksþátttöku hefur verið náð í staðnám. Við þökkum góðar viðtökur og bendum á að enn er hægt að skrá sig í fjarnám.

Stofnun stjórnsýslufræða og stjórnmála kynnir:
 
Meðferð persónuupplýsinga í stjórnsýslunni – Nokkur álitaefni
 
Námskeið haldið fimmtudaginn 26. september 2019, kl. 9:00-12:20, í húsnæði Menntavísindasviðs HÍ við Stakkahlíð, stofa H-204, álman Hamar.
 

Hér er hægt að skrá sig í fjarnám

 
Námskeiðið stendur einnig til boða í fjarnámi fyrir starfsmenn ríkis og sveitarfélaga sem starfa á landsbyggðinni. Fjarnámið er sent út í beinu streymi og einnig verður upptaka af námskeiðinu aðgengileg eftir að því lýkur.
 
Umsjónarmaður og fyrirlesari er Kjartan Bjarni Björgvinsson, héraðsdómari við Héraðsdóm Reykjavíkur.
 
Þátttökugjald er kr. 18.200-
 
Markhópur: Allir sem starfa hjá eða með opinberum stofnunum/sveitarfélögum og fara með persónuupplýsingar í því starfi.
 
Markmið: Að þátttakendur kunni skil á helstu kröfum sem gerðar eru til meðferðar persónuupplýsinga í stjórnsýslunni og þekki helstu þætti í framkvæmd Persónuverndar sem hafa þýðingu fyrir opinberar stofnanir. 
 
Viðfangsefni: Lög nr. 90/2018 og reglugerð ESB sem lögin byggjast á (GDPR) eiga við um alla meðferð um alla meðferð persónuupplýsinga í stjórnsýslunni. Í þessu námskeiði verður áherslan á að svara spurningum um hvenær lögin gildi og hver séu helstu skilyrðin fyrir því að opinberar stofnanir geti unnið með persónuupplýsingar. Farið verður yfir helstu hugtök laganna, eins hver teljist ábyrgðar- og vinnsluaðilar við meðferð persónupplýsinga og hvaða kröfur verða gerðar til stjórnvalda þegar þau fá utanaðkomandi aðstoð við meðferð mála. Þá verður fjallað um réttindi skráðra aðila til að fá upplýsingar um sig á grundvelli persónuverndarlaga. 
 
Umsagnir þátttakenda: 
  • "Kennari kemur efni mjög vel frá sér á skýran og skemmtilegan hátt. Myndi 100% mæta á sambærilegt námskeið aftur."
  • "Alltaf skemmtilegt að koma á námskeið hjá kjartani þar sem hann talar um lagaleg málefni á mannamáli."
  • "Góð tenging efnis við dóma og úrskurði. Skemmtileg framsett og kennari hélt "erfiðu" efni áhugaverðu."
Kjartan Bjarni er dómari við Héraðsdóm Reykjavíkur, en hann hefur áður starfað sem formaður rannsóknarnefndar Alþingis, aðstoðarmaður umboðsmanns Alþingis og sem lögfræðingur við EFTA-dómstólinn. Kjartan hefur kennt stjórnsýslurétt og opinberan starfsmannarétt við Háskóla Íslands frá 2004 en hann var einnig dósent við lagadeild Háskólans í Reykjavík 2016-2018.
 
 
Þú ert að nota: brimir.rhi.hi.is