Meðferð persónuupplýsinga í stjórnsýslunni - algengustu álitaefni

Stofnun stjórnsýslufræða og stjórnmála kynnir:
 

Meðferð persónuupplýsinga í stjórnsýslunni - algengustu álitaefni

Námskeið haldið fimmtudaginn 1. október 2020, kl. 9:00-12:20, í húsnæði Menntavísindasviðs HÍ við Stakkahlíð. Vinsælt námskeið sem fyllist fljótt - takmarkað sætaframboð. Fjarnám í boði.

 

Smelltu hér til að skrá þig á námskeiðið.

 
Umsjónarmaður og fyrirlesari er Kjartan Bjarni Björgvinsson, héraðsdómari við Héraðsdóm Reykjavíkur.
 
Þátttökugjald er kr. 18.700-
 
Vekjum athygli á að námskeiðið stendur einnig til boða í fjarnámi. Fjarnámið er sent út í beinu streymi og einnig verður upptaka af námskeiðinu aðgengileg fyrir fjarnema eftir að því lýkur.
 
Í staðnámi verður gætt að fjöldatakmörkunum og farið er eftir tilmælum sóttvarnalæknis og embættis landlæknis er varðar fjarlægðarmörk og smitvarnir.
 
 
Markhópur: Allir sem starfa hjá eða með opinberum stofnunum/sveitarfélögum og fara með persónuupplýsingar í því starfi.
 
Markmið: Að þátttakendur kunni skil á helstu kröfum sem gerðar eru til meðferðar persónuupplýsinga í stjórnsýslunni og þekki helstu þætti í framkvæmd Persónuverndar sem hafa þýðingu fyrir opinberar stofnanir. 
 
Viðfangsefni: Lög nr. 90/2018 og reglugerð ESB sem lögin byggjast á (GDPR) eiga við um alla meðferð persónuupplýsinga í stjórnsýslunni. Í þessu námskeiði verður áherslan á að svara spurningum um hvenær lögin gildi og hver séu helstu skilyrðin fyrir því að opinberar stofnanir geti unnið með persónuupplýsingar. Farið verður yfir helstu hugtök laganna, eins hverjir teljist ábyrgðar- og vinnsluaðilar við meðferð persónupplýsinga og hvaða kröfur verða gerðar til stjórnvalda þegar þau fá utanaðkomandi aðstoð við meðferð mála. Þá verður fjallað um réttindi skráðra aðila til að fá upplýsingar um sig á grundvelli persónuverndarlaga. 
 
Umsagnir þátttakenda: 
  • "Kennari kemur efni mjög vel frá sér á skýran og skemmtilegan hátt. Myndi 100% mæta á sambærilegt námskeið aftur."
  • "Alltaf skemmtilegt að koma á námskeið hjá Kjartani þar sem hann talar um lagaleg málefni á mannamáli."
  • "Góð tenging efnis við dóma og úrskurði. Skemmtilega framsett og kennari hélt "erfiðu" efni áhugaverðu."
Kjartan Bjarni Björgvinsson er cand.jur. frá Háskóla Íslands og með meistarapróf í lögum frá London School of Economics and Political Science. Hann hefur m.a. annars starfað sem aðstoðarmaður umboðsmanns Alþingis og formaður rannsóknarnefndar Alþingis. Kjartan  var skipaður héraðsdómari við Héraðsdóm Reykjavíkur í apríl 2015 og kjörinn formaður Dómarafélags Íslands árið 2019. 
 
 
Þú ert að nota: brimir.rhi.hi.is