Bókarkynning og málstofa: Kosningar og breytingar í íslenskum stjórnmálum eftir bankahrun

Fimmtudaginn 16. september kl. 16:00 halda Íslenska kosningarannsóknin og Stofnun stjórnsýslufræða og stjórnmála opinn fund í Lögbergi (L-102) þar sem kynnt verður bókin Electoral Politics in Crisis After the Great Recession - Change, Fluctuations and Stability in Iceland, sem nýkomin er út hjá Routledge. Í framhaldi fara fram umræður um efni hennar.
 
Höfundar bókarinnar eru Eva H. Önnudóttir prófessor, Agnar Freyr Helgason dósent, Ólafur Þ. Harðarson prófessor og Hulda Þórisdóttir dósent, öll við Stjórnmálafræðideild Háskóla Íslands.
 
Í bókinni er fjallað um breytingar sem orðið hafa á íslenskum stjórnmálum í kjölfar bankahrunsins 2008 - um íslenska flokka, kosningar, stjórnmálahegðun o.fl. 
 
 
Dagskrá fundarins:
 
Bókarkynning
Eva H. Önnudóttir, prófessor í stjórnmálafræði við Háskóla Íslands
 
Álit
- Gunnar Helgi Kristinsson, prófessor í stjórnmálafræði við Háskóla Íslands
- Sjöfn Vilhelmsdóttir, forstöðumaður hjá GRÓ Þekkingarmiðstöð þróunarsamvinnu og höfundur doktorsritgerðar um traust í íslenskum stjórnmálum.
 
Umræður, m.a. með þátttöku allra bókarhöfunda.
 
Fundarstjórn: Bogi Ágústsson, fréttamaður
 
Bókin er væntanleg í Bóksölu stúdenta en hana má einnig panta hjá Routledge eða Amazon og hana má ennfremur nálgast í opnum aðgangi hér á vef Routledge.
 
Aðgangur ókeypis. Öll velkomin.
 
10. september 2021 - 10:30
Þú ert að nota: brimir.rhi.hi.is