Samningur um diplómanám fyrir stjórnendur í heilbrigðisþjónustu

Samstarfssamningur um nýja námsleið fyrir stjórnendur í heilbrigðisþjónustu  háskólaárið 2010-2011 var undirritaður 21. maí 2011 milli Stjórnmálafræðideildar og samstarfsaðila um námið. Námið er hluti af meistaranámsframboði deildarinnar.  
Námsleiðin er sérstaklega skipulögð með þarfir núverandi og verðandi stjórnenda í heilbrigðisþjónustu í huga sem vilja efla stjórnunarþekkingu sína og öðlast dýpri skilning á starfsumhverfi heilbrigðisstofnana sem hluti af opinberum rekstri.  
Nýmæli er að fjórar deildir Háskóla Íslands geri með sér formlegt samkomulag um að standa saman að  námsleið, þar sem nemendur geta valið úr framboði á námskeiðum viðkomandi deilda á sviði opinberrar stjórnsýslu, stjórnunar og rekstrar, heilsuhagfræði og lýðheilsu.  
Samstarfsaðilar Stjórnmálafræðideildar innan HÍ eru Viðskiptafræðideild, Hagfræðideild og Heilbrigðisvísindasvið , en samstarfsaðilar í heilbrigðisþjónustu  eru heilbrigðisráðuneytið, Landspítali háskólasjúkrahús, Heilsugæslan á höfuðborgarsvæðinu, Landssamband sjúkrahúsa, Félag forstöðumanna sjúkrahúsa og Samtök fyrirtækja í heilbrigðisþjónustu.

Mynd frá undirritun samnings um diplómanám fyrir stjórnendur í heilbrigðisþjónustu

Myndin er frá undirritun samstarfssamningsins 21. maí 2011 í háskólaráðsherberginu í aðalbyggingu HÍ. Á myndinni eru frá vinstri Kristín Ingólfsdóttir háskólarektor, Björn Zoëga forstjóri Landspítala háskólasjúkrahúss, Þorgerður Einarsdóttir deildarforseti Stjórnmálafræðideildar, Þórólfur Matthíasson deildarforseti Hagfræðideildar, Sveinn Magnússon skrifstofustjóri heilbrigðisráðuneytisins, Ásta Möller forstöðumaður stofnunar stjórnsýslufræða Ingjaldur Hannibalsson, deildarforseti Viðskiptafræðideildar, Gísli Páll Pálsson, formaður Samtaka fyrirtækja í heilbrigðisþjónustu, Svanhvít Jakobsdóttir, forstjóri Heilsugæslunnar á  höfuðborgarsvæðisinu, Árni Sverrisson, formaður Félags forstöðumanna sjúkrahúsa, Halldór Jónsson, formaður Landssambands sjúkrahúsa, Guðmundur Þorgeirsson, deildarforseti læknadeildar f.h.  Heilbrigðisvísindasviðs

Þú ert að nota: brimir.rhi.hi.is