Stjórnmál og stjórnsýsla - vefrit

Eitt af hlutverkum Stofnunar stjórnsýslufræða og stjórnmála er að stuðla að rannsóknum á stjórnmálum og stjórnsýslu. Í því skyni að efla þær rannsóknir hefur stofnunin gefið út veftímaritið Stjórnmál og stjórnsýsla frá árinu 2005. Tímaritið er öllum opið á netinu. Það er gefið út á vefformi tvisvar á ári í maí – júní og desember, en prentuð útgáfa ritrýndra greina kemur út einu sinni á ári. Hægt er að gerast áskrifandi að prentaðri útgáfu tímaritsins með því að senda stofnuninni tölvupóst og kostar áskrift kr. 4.800- á ári. Prentaða útgáfan er einnig fáanleg hjá Háskólaútgáfunni, í bókabúðum, m.a. Bóksölu stúdenta og hjá forstöðumanni stofnunarinnar í s. 525 5454 eða með því að senda tölvupóst: stjornsyslaogstjornmal@hi.is. Einnig er hægt að kaupa eldri eintök, 2005-2015, kr. 2.000- hver árgangur eða kr. 8.500- allir útkomnir árgangar.

Megintilgangur tímaritsins er að gera fræðilegt efni um íslenska stjórnsýslu og stjórnmál aðgengilegt með það fyrir augum að auka við þekkingu og efla faglega umræðu á þessu sviði. Höfundar efnis eru fræðimenn í stjórnmálafræði, stjórnsýslufræði, hagfræði, viðskiptafræði, sagnfræði, kynjafræði, lögfræði, félagsfræði, stjórnunarfræði, sálfræði, fötlunarfræði, fjölmiðlafræði og fleiri tengdum greinum. Þá hafa stjórnmálamenn, embættismenn og starfsmenn ríkis og sveitarfélaga lagt tímaritinu til efni m.a. í almennum greinum. Bókadómar eru jafnframt fastur þáttur í útgáfunni.

Í tímaritinu eru eftirtaldir efnisflokkar: Ritrýndar fræðigreinar, greinar almenns eðlis og bókadómar. Þá er tengill á síðu Stofnunar stjórnsýslufræða og stjórnmála en þar er m.a. að finna upplýsingar um erindi, umræðufundi og námskeið sem á döfinni eru hverju sinni, auk annars. Í tímaritinu er að finna slóðir á útdrætti úr lokaritgerðum háskólanema í stjórnmála- og stjórnsýslufræðum og stjórnmála- og stjórnsýslufræðingatal, ásamt tenglum er varða fagsvið stjórnmála- og stjórnsýslufræða s.s. fræðitímarit sem aðgengileg eru á vefnum, samtök stjórnmálafræðinga og stjórnsýslufræðinga o.fl.

Ritstjórn vefsins hefur netfangið stogst@hi.is og er lesendum veftímaritsins bent á að senda athugasemdir eða annað sem varðar útgáfu þess á þetta netfang.

Tímaritið má finna á vefslóðinni: www.stjornmalogstjornsysla.is

Þú ert að nota: brimir.rhi.hi.is