Hvernig á að standa að ráðningum hjá ríki og sveitarfélögum?

Stofnun stjórnsýslufræða og stjórnmála kynnir:
 

Hvernig á að standa að ráðningum hjá ríki og sveitarfélögum?

Námskeið haldið miðvikudaginn 10. febrúar 2021, kl. 9:00-12:30. Námskeiðið mun einungis fara fram í fjarnámi. Fjarnámið er sent út í beinu streymi og einnig verður upptaka af námskeiðinu aðgengileg tímabundið eftir að því lýkur.
 
Þátttökugjald námskeiðsins er kr 18.700-

Þessu námskeiði er lokið. Vinsamlegast hafið samband ef áhugi er á aðgangi að upptöku þess. 

Umsjónarmaður og fyrirlesari er Kjartan Bjarni Björgvinsson, héraðsdómari við Héraðsdóm Reykjavíkur.

Markhópur: Stjórnendur og starfsmenn hjá stofnunum ríkisins og sveitarfélaga sem koma að undirbúningi og ákvörðun um ráðningu í opinbert starf og öðrum ákvörðunum í starfsmannamálum.  
 
Markmið: Að þátttakendur öðlist haldgóða þekkingu á þeim lagareglum sem gilda um ráðningu starfsmanna hjá ríki og sveitarfélögum samkvæmt lögum og óskráðum reglum stjórnsýsluréttarins.
 
Helstu umfjöllunarefni: 
  • Hvaða kröfur eru gerðar til auglýsingar um laus störf hjá ríki og sveitarfélögum, meðal annars samkvæmt lögum nr. 70/1996, um réttindi og skyldur starfsmanna ríkisins, og eftir atvikum samkvæmt ákvæðum sérlaga eins og lögum nr. 10/2008, um jafna stöðu og jafnan rétt karla og kvenna (jafnréttislögin).
  • Hvaða lagalegu mörk gilda um það hvernig stofnanir ríkis og sveitarfélaga standa að ráðningu starfsmanna, meðal annars samkvæmt lögum nr. 70/1996, stjórnsýslulögum nr. 37/1993 og jafnréttislögum?
  • Hver er réttur umsækjenda um störf hjá ríki og sveitarfélögum og hvaða úrræði standa þeim til boða við að framfylgja þeim rétti?
Varpað verður upp spurningum á borð við hvort núgildandi lagareglur setja stjórnvöldum hugsanlega of þröngar skorður við ráðningu starfsmanna og þá einnig hvort reglurnar skili viðunandi árangri um að tryggja réttaröryggi umsækjanda um opinber störf. Öll umfjöllun verður studd dæmum um framkvæmd laganna og þá m.a. vísað til dóma Hæstaréttar og álita umboðsmanns Alþingis.
 
Kennsluáætlun er birt með fyrirvara um breytingar.
 
 
Kjartan Bjarni er dómari við Héraðsdóm Reykjavíkur, en hann hefur áður starfað sem formaður rannsóknarnefndar Alþingis, aðstoðarmaður umboðsmanns Alþingis og sem lögfræðingur við EFTA-dómstólinn. Kjartan hefur kennt stjórnsýslurétt og opinberan starfsmannarétt við Háskóla Íslands frá 2004 en hann var einnig dósent við lagadeild Háskólans í Reykjavík 2016-2018.
 
Þú ert að nota: brimir.rhi.hi.is