NÝTT NÁMSKEIÐ: Fjárhagsáætlanir sveitarfélaga

NÝTT NÁMSKEIÐ: Fjárhagsáætlanir sveitarfélaga

Undirbúningur, vinnsla og eftirfylgni fjárheimilda sveitarfélaga
 
 
Námskeið haldið miðvikudaginn 1. september 2021, kl. 9:00-12:00. Við vekjum athygli á því að námskeiðið mun einungis fara fram í fjarnámi. Fjarnámið er sent út í beinu streymi en einnig verður upptaka af námskeiðinu aðgengileg tímabundið eftir að því lýkur. 
 
Umsjónarmaður og fyrirlesari er Gunnlaugur A. Júlíusson, hagfræðingur og fv. sveitarstjóri.
Þátttökugjald er kr. 19.500-
 

Þessu námskeiði er lokið. Ef áhugi er fyrir aðgangi að upptöku þess vinsamlegast hafið samband, stjornsyslaogstjornmal@hi.is

 
Markmiðið með námskeiðinu er að þátttakendur fái yfirgripsmikla fræðslu um vinnulag og vinnuferli við undirbúning fjárheimilda hjá sveitarfélögum. Fjallað verður um mikilvægi fjárheimilda sem stjórntækis. Lögð er áhersla á mikilvægi skipulagðra vinnubragða og skýrrar markmiðssetningar við undirbúning fjárheimilda svo og eftirfylgni með framkvæmd þeirra. Komið verður inn á gagnasöfnun og grunnforsendur við vinnslu fjárheimilda. Að lokum er fjallað um helstu lykiltölur sem þörf er að hafa á valdi sínu.
 
Markhópur
Kjörnir fulltrúar í sveitarstjórnum
Starfsfólk í miðlægri stjórnsýslu sveitarfélaga
Forstöðumenn stofnana sveitarfélaga
Fulltrúar í stjórnum stofnana og fyrirtækja í eigu sveitarfélaga
 
Í umfjöllun um undirbúning, vinnslu og eftirfylgni fjárheimilda sveitarfélaga er m.a. lögð áhersla á eftirfarandi atriði: 
Stöðu og notkun fjárheimilda sem stjórntækis 
Mikilvægi markmiðssetningar við vinnslu fjárheimilda
Verkaskiptingu milli kjörinna fulltrúa, miðlægrar stjórnsýslu og forstöðumanna stofnana við undirbúning fjárheimilda
Gagnasöfnun vegna undirbúningsvinnu við fjárheimildir
Afgreiðslu fjárheimilda í sveitarstjórn
Eftirfylgni fjárheimilda, afgreiðslu viðauka og samanburð milli fjárheimilda og raunverulegrar rekstrarniðurstöðu 
Viðbrögð ef fjárheimildir eru ekki nýttar að fullu eða ef farið er fram úr fjárheimildum
 
Lögð er sérstök áhersla á eftirfarandi atriði:
Mikilvægi markvissra vinnubragða og skýrra verklagsreglna við undirbúning fjárheimilda
Mikilvægi skipulagðrar eftirfylgni með framkvæmd fjárheimilda
Mikilvægi samstarfs milli þeirra aðila sem málinu tengjast
 
Gunnlaugur A. Júlíusson er hagfræðingur með MS gráðu frá Háskóla Íslands. MS ritgerð hans frá árinu 2021 fjallar um „Fjármálastjórnun sveitarfélaga“. Hann hefur einnig lokið námi í verðbréfamiðlum við Háskólann í Reykjavík. Hann hefur m.a. starfað sem sveitarstjóri í Borgarbyggð og sem sviðsstjóri hag- og upplýsingasviðs Sambands íslenskra sveitarfélaga. Þá hefur hann sinnt margvíslegri hagsmunagæslu fyrir sveitarfélögin og tekið þátt í samstarfi ríkis og sveitarfélaga á sviði efnahagsmála og reikningsskila sveitarfélaga. Gunnlaugur er stundakennari við Stjórnmálafræðideild Háskóla Íslands og hefur einnig kennt við Endurmenntun Háskóla Íslands.
 
 
 
Þú ert að nota: brimir.rhi.hi.is